Hallo liebe Pilzfreunde, diesen Artikel werden sicher nicht viele verstehen, da er in Mundart geschrieben ist, dennoch fand ich es Wert in auch anderen zur Verfügung zu stellen.

Dene Summer het mr Pilz gfunde, eso vil, aß si eime schier gar in Korb gfalle sin, we-mr bloß in Wald spaziert isch- mr het si gar nit bruche sueche, mr het bloß gfunde. S het am End schu fascht ke Spaß meh gmacht, wil s eso eifach gsi isch. Gott- seidank het nors Esse nooch em Putze um so besser gschmeckt, bi so vil Pilz. Jetzert, wu de Herbscht am Kumme isch, git s allewil no Pilz, bloß mueß mr si jetz sueche, des heißt mr mueßt sich e wing astrenge bis mr si findet. S git allewil noch vil, awer de Herbscht, der Kaib, meint s net guet mit uns. Er loßt d Blätter raräägne, un sell isch es, was die Sach e wing vekumpliziert. D Pfifferle sin jo im Summer eifach finde. Ihr gääl Farb sticht eso guet vum Waldbode un Moos ab, aß mr schu fascht blind mueßt sii, we-mr keini will finde. Awer wenn emol d Blätter falle, d Birkeblätter vor allem un andri von Stricher, wu au e weng gäälächt sin, nor wurd mir, au we-mr nit grad e Afänger isch, gwaltig veseckelt: Vun witem schu siht mr ebbis Gääls, nimmt s Ziil uf, geht langsam witer un streift mit de Aue allewil reechts un links, wil mr sellli, wu mr schu im Au au praktisch schu im Korb het. Un ufs Mol steht mr vor ne - un stellt fescht, aß es wider emol bloß e Blättli gsi isch.